मोरङ : मोरङको सुन्दरहरैचामा हात्तीको आक्रमणबाट एक जना महिलाको मृत्यु भएको छ ।
शुक्रवार बिहान सुन्दरहरैचा नगरपालिका– ७ स्थित सृजना सामुदायिक वन उपभोक्ता समितिको जङ्गलमा दाउरा खोज्न गएकी स्थानीय ४० वर्षीय गंगा श्रेष्ठको हात्तीको आक्रमणबाट मृत्यु भएको हो ।
दाउरा खोज्न गएको अवस्थामा उनलाई जङ्गली हात्तीले आक्रमण गरी घाइते बनाएको थियो ।प्रहरीले उद्धार गरी उपचारका लागि नोबेल मेडिकल कलेज विराटनगरमा पठाएको थियो । अस्पताल आए लगतै चिकित्सकले मृत घोषित गरेका थिए ।